人稱「幟哥」的名廚黃永幟，近年積極進軍馬圈，個人名下養有「為食仔」，以及三匹團體馬「搖錢樹」、「金叻星」及「喜菜」，今季幟哥的養馬運甚佳，「為食仔」、「金叻星」各取得兩捷，「搖錢樹」亦贏咗一場，合攞到五場頭馬。呢晚幟哥在其名下位於圓方的食肆擺慶功宴，練馬師沈集成同埋一班馬房手足，以及幟哥幾位馬主朋友都有嚟到賀。期間部份人仲上台獻唱，大家玩得好開心。幟哥話希望下半季繼續行好運有得拉頭馬，再同沈集成等人擦餐飽喎。