矢志重奪大專盃男足冠軍嘅城大（圖），噚日喺聯校運動中心舉行嘅決賽面對港大，最終憑後衞胡晉銘頂入奠勝球，有驚無險贏1:0捧盃。效力港超元朗嘅城大隊長劉家銘今仗表現落力，可惜只差一個入波作為畢業禮物，佢賽後話：「都好開心畢業前有個冠軍，諗諗吓都好似未試過做隊長攞冠軍；不過都係爭少少先入到波！」而歷史勝咗入決賽嘅港大，教練陳曉明就大讚球員無論體能定心理上都好拼搏，已經收貨啦！