最怕jet lag的人有福了！搭長途機，(假設你坐嘅係經濟艙)要屈在狹小的座位上12小時有多，大家只能眼淚在心裡流，再加上落機後要適應當地時差，朝早恰眼瞓，半夜就鬼打咁精神，都實在幾痛苦，想玩但盡興之不能。
新加坡航空最近宣佈五月開首航的A350-900型號客機，可以幫你解決jet lag煩惱，就算唔係百分百，最少都可以將痛苦減到最低。首先，機艙內的氣壓會被調節至比一般客機更高更舒適，而加濕系統能令喉嚨、雙眼及皮膚更滋潤，空氣每兩次更新淨化等你感覺同喺屋企差不多，仲有LED燈有超過1,670萬種燈光顏色以模擬自然光，(未講完)再加上更高天花、更大窗戶、更闊座位，以上等等都係能夠大大舒援jet lag之苦，睇完都有少少心動。
記者：盧懿靜
資料來源：Condé Nast Traveler、新加坡航空