香港23歲蛙后江忞懿（左）上周五出戰英國愛丁堡國際泳賽嘅100米蛙泳，初賽先以1分08秒01破咗自己保持咗六年嘅港績，到晚上決賽又將紀錄推前至1分07秒88，贏到亞軍，時間只差0.03秒就達奧運A標，認真叻女；贏佢嘅仲係19歲立陶宛世界紀錄保持者兼倫奧金牌美盧迪。至於噚日喺城門谷舉行嘅短池分齡泳賽，歐鎧淳喺女子200米背泳以2分06秒93新港績奪冠，舊紀錄係舊年六月自己造嘅2分08秒08。