不必衝門，不用掟蛋，每個市民一人度十題，幫高鐵接力拉布，諗諗佢：
一，唔該數人頭，香港人口老化咁勁，年輕人自殺咁密，將來有冇足夠人次坐高鐵？係咪又靠篤數？
二，政治一日都嫌長，2047年假如香港獨立，條鐵要來做乜？
三，一地兩檢，西九樓價勁跌插水，業主有理由告政府造市。賠償講緊天文數字喎。
四，高鐵點搞檢疫先？又搵做到無停手還要北上參加國情班的公院前線醫生教飛？罷工都似！
五，李波之後，點說服人，高鐵快過……偷渡！
六，張局長搞清楚先，高鐵的對口單位係咪「強力部門」？
七，高鐵撞死狗的話，入中方抑或港方數？
八，坐高鐵，帶禁書，會唔會變桂民海？
九，連梁振英都搞廉價IFC泳棚，證明高鐵失焦啦。
十，高鐵站站停變慢鐵，咁嘅服務，乘客點會like。除非，乘客是解放軍！