立法會食物安全及環境衞生事務委員會去咗美國三藩市考察，為香港美食車政策取經，以往唔少議員為顧議員形象，好少隨街食嘢，今次去到美國終可攞正牌周街篤魚蛋！
話說（圖，左起）何俊賢、鍾國斌、郭家麒、莫乃光、單仲偕、張宇人同黃碧雲喺當地時間周四一早去加州大學三藩市分校（UCSF）對開馬路，睇睇一架叫Hongry Kong、賣港式美食嘅美食車，品嚐咖喱魚蛋、蛋撻、奶茶等港式小食，泛民同建制議員一齊喺街邊開餐，郭家麒試咗合桃蛋撻，話呢個似係三藩市式，而唔多似正宗港式，黃碧雲似乎好享受，因為佢話做咗議員之後，好少喺街邊食嘢。