阿仙奴上場英足盃大炒侯城，有球迷叫領隊雲格下台，睇嚟呢位66歲教授幾唔得球迷歡心，但佢遲遲唔退，唔通想等埋亨利？亨利周四喺twitter上載咗拎歐洲足協A級教練牌嘅威水相，話多謝威爾斯足總同阿仙奴青訓學校嘅幫助。佢𠵱家可以帶英冠或以下同青年軍球隊，要教英超就要考埋個職業牌，但應該唔使好耐；雲格咁錫亨利，唔通想交棒畀佢先肯退休？