新媒體《香港01》噚日終於出咗第一份紙體印刷版（圖），成196頁紙厚叠叠，20蚊一份。不過第一日出紙就蝦碌，八方收到風，有便利店員工臨時要收番起晒《香港01》話唔賣，有說係內容出錯，又有說係冇印報頭，亦有路邊社話係關油墨事，指卡地亞（Cartier）不滿廣告甩墨所以詐型。
八方聽講總編輯龍景昌仲形容係「嚴重出錯」，噚晚喺《香港01》酒會見到執行總編輯戚本業，問佢發生乜事，佢就話未掌握到件事，要向發行方面了解咗先，不過強調件事就「唔係想像中咁複雜」，澄清「唔係回紙，應該係另外一批印次搞唔掂」，絕對唔係內容出錯。