去年梁詠琪（GiGi）誕下混血B女祈淑菲（Sofia），小公主Sofia轉眼已經1歲了，GiGi重新投入工作，最近接拍了天下一電影公司一套新戲《骨妹》（暫名），現正在澳門開拍。
靠老公報告囡囡動態
產後復出的GiGi會不會不習慣？加上新戲骨妹角色相當沉重，與現時充滿正能量的GiGi截然不同，她接受訪問時說：「拍戲冇唔慣，問題只係離開屋企會耐咗，我生完小朋友後全心全意照顧個女一年，拍戲仲要離開最短都可能有三、四日，我如果去唱歌嘅活動都可以一路check住佢，睇吓佢做緊乜嘢呀，但我拍戲時就會將呢啲嘢擺埋一邊，投入角色，老公有應承我不斷update個女嘅消息畀我，但我就冇回應畀佢囉，哈哈。到我可以休息時嗰女又瞓咗，除咗呢樣之外其實我咁耐冇拍戲，我都仲係好享受，因為始終做戲對我嚟講仲係好有挑戰性，覺得好興奮。」
在《骨妹》飾演年輕版GiGi的廖子妤，其中一場戲要幫客人手淫，被問到有否感到尷尬，她說：「尷尬就還好嘅，因為我哋有兩個好好嘅拍檔，之唔係嗰兩位客人，係嗰兩個虛假嘅陽具喇！同埋最慘係俾人剪咗個睾丸，我哋排嗰時都排咗好多次，覺得好慘呀！剪嗰一下！」
採訪：非非