港腳積施利今晚要同列卡度高拉特、積臣馬天尼斯過招！呢位28歲嘅前南華右閘今季上咗去踢中超長春亞泰，喺今晚7點35分，亞泰就會作客中超班霸廣州恒大；積施利喺亞泰得到重用，上場對杭州綠城都踢正選，內地媒體估計佢會繼續擔正，對抗恒大身價以千萬歐元計嘅進攻線。除咗積施利，保連奴同伊達兩名港腳今日會喺中甲打對台。中甲今日開鑼，保連奴效力嘅深圳宇恆會喺主場對伊達效力嘅新疆天山雪豹，場波下晝四點喺深圳踢，港足球迷有時間嘅話，都可以上去支持吓自己人㗎。