電動滑板，在香港暫時是比較罕見的產物，去年11月Gadget Guy曾找來專業玩家（重溫網址： http://bit.ly/1R8UEjd ），將最新抵港的Yuneec E-Go製作成觔斗雲；話說當時佢係全港最細及最輕的電動滑板！板身連電重量6.3kg，每次叉電3至5小時，極速20km/h，及可行走30km路程。
不過E-Go的王者地位，最近又被人打破了，原因是澳洲品牌的mini Fiik剛到港了！單看外表，你跟本睇唔出佢係一塊電動滑板，基本板身尺寸，同一般普通滑板無異；板身重量是更輕的3.5kg，每次叉電3.5小時，極速16km/h，及行走20km路程；不過更強是有一個快叉功能，只需75分鐘就可以叉滿全車電池，不過當然會比較傷車啦！
玩落都感覺非常唔同，由於板身較輕關係，所以起步反應明顯比E-Go迅速；雖然同樣以手提遙控器操作，一樣有調控速度及剎車功能，不過就新加入了「倒車」功能，咪睇少呢樣嘢，因為舊的E-Go如果要調頭，起碼要用2米的距離作U Turn。
查詢：ZETA（深水埗桂林街141A高登電腦廣場1樓1-7號）
記者、攝影：朱崇德
