香港本土派越來越多年輕人支持，仲有人將台灣民進黨爭取台獨經驗同香港比較。
不過民進黨元老級人物、前台灣副總統呂秀蓮（圖）就話香港人𠵱家先講本土係後知後覺，仲好唔客氣話，當年都有好多香港民主派人士，曾經恥笑、反對台獨主張。
呂秀蓮接受《自由亞洲電台》訪問，揶揄香港人𠵱家先覺得主權獨立同民族自決嘅重要，係後知後覺。
佢話十幾廿年前台灣民主化運動，已有台灣人主張台灣獨立，但當時連支持民主嘅港人都不認同，仲恥笑反對佢哋。
不過佢仍希望香港朋友能夠繼續爭取人權同自由，事實上台灣走過民主路係好艱辛、好多人犧牲同坐監，所以港人要繼續加油。