新東補選後，本土勢力受各界關注。《巴士的報》前晚報道，梁天琦（圖左）同本民前前發言人黃台仰（圖右）等3人，前日中午喺金鐘太古廣場一餐廳內同兩個外國人會面，懷疑係美國駐港總領事館人員。報道話一行人會面期間，部份內容以普通話交談，約近一個半小時後，梁、黃等人先行離開，兩位外國人埋單後就走入美國駐港總領事館。
黃台仰接受查詢時承認，有關人士係美國駐港總領事館嘅職員，約佢哋兩位傾偈，希望了解本土理念，強調期間冇談選舉，「同唔同界別嘅人交流好正常，除咗中國，乜人都會見。」
中國駐美大使崔天凱噚日喺北京被問到香港本土派活動係咪涉外部勢力時就話：「不管誰干涉我們都反對，是美國也好，別的國家也好，我們都反對。」