【本報訊】高鐵工程超支黑洞仍需196億元填氹，不過工程壞影響正浮現。高鐵隧道走線範圍的元朗牛潭尾村，自隧道鑽挖工程開始後，村民飽受水土流失困擾，居所不斷出現爆牆裂屋。雖然捱得到隧道工程完工，不過水土流失情況未止，村內屋宇、道路爆裂問題加劇，有村民屋外地台甚至由實心變空心。港鐵承認村內28宗屋宇損壞及水井水位個案，與高鐵工程有關。
牛潭尾村內，數十間村屋牆身滿佈裂縫。三代住在牛潭尾村李先生，其樓高兩層村屋，在今年大掃除時發現屋內多處裂痕惡化。屋外地台在洗地時，多了個破洞，流失泥土足有半呎深，長度近3呎，「地台本身係實心，無端端冇咗一大片泥變空心，除咗高鐵工程，冇其他原因」。
村民：係咪要冧樓先安樂
李先生說，家中花園位置早前已有類似問題出現，石屎地台底下的泥土大面積流失，地台變空心，最終失去承托破裂。港鐵去年曾辯稱與工程無關，但現時問題不斷惡化，李先生斥港鐵：「係咪要搞到冧樓先安樂？」
同村居民徐先生亦是高鐵苦主，他居住的村屋依山而建，屋前亦建有面積數百平方呎有護土牆支撐的平台。平台建成數十年相安無事，但高鐵工程動工後，護土牆即出現裂縫，「家家戶戶都話間屋開始有問題。我哋幅牆都開始裂，仲要越裂越深」。
記者現場所見，護土牆裂縫最闊處足有手指頭般闊，徐先生認定與高鐵隧道工程引發水土流失有關，曾向港鐵投訴。港鐵安排工程人員在牆上安裝監測儀，結果也顯示護土牆有不斷向外傾情況，卻將責任卸得一乾二淨，「佢搵公證行嚟睇，望幾望，影幾張相，之後就話唔關高鐵事」。
港鐵發言人指，牛潭尾隧道工程鑽挖部份於2014年完成，就最近村民仍有懷疑受工程影響令屋宇損毀個案，港鐵已按機制處理，並安排公證行視察，正等待評估結果。至上月底，港鐵就牛潭尾工程共接獲147宗投訴，其中134宗屬懷疑因工程引致水井水位下降，或樓宇受影響個案全部交公證行調查，證實28宗個案與高鐵工程有關，現與受影響戶磋商跟進，但強調全部不涉樓宇結構或安全問題。
■記者鄭啟源
