facebook（fb）教主朱克伯格做咗老竇，仍有「大男孩性格」。教主最近買咗個電腦虛擬「變臉」手機App「MSQRD」。
教主噚日親身試玩，扮鐵甲奇俠（Iron Man）自拍咗一段半分鐘嘅短片兼公佈交易。佢話好歡迎MSQRD加入fb大家庭，跟住佢就話要歸位工作嘞。佢個頭盔好似電影咁識自動開閂，認真搞鬼。
MSQRD上架短短幾個月，累積過百萬名用家，呢個App提供超過三十幾款虛擬「變臉」款式畀人自拍，近期最多人揀嘅，竟然係今屆奧斯卡影帝里安納度迪卡比奧。
fb冇透露今次交易金額，公司話買入主要用作強化通訊程式messenger嘅功能。