本周必須緊急應對的，不光是鬼祟佔領新界的無良泥頭山！每個人心中都有一座泥頭山，磚頭卻是年輕人最難掌握的，緊急掟出去，就「被暴徒」。想不開，走上磚頭的最高點，縱身墜下，新聞報道了，名字變成數字：本年度第N宗……僅此而已。吳局長把兩膊盡卸求其拋下一句：家長老師，加油！年輕人自殺，不正是非法傾倒的泥頭山上不斷加泥嗎局長？有關部門怎麼跟進？原來是叫人趕快噴漿！等於叫已經輸清光的股蟹，加油，盡快止蝕。真係，多九餘！
更緊急的是醫護人手，急診需輪候24小時，流感高峰未最高，公院已經爆房爆走廊，局方竟然叫三十名前線醫護用公費方式回內地接受國情培訓！TMD，全港市民撐醫護，本土到底！要北上，叫醫管局先擲三十塊磚頭上！
泥頭山睇唔到，流感傳染唔到，年輕人自殺feel唔到的梁振英不但不急，還悠閒到建議落實中環海濱起泳棚，叫上班族飯後游20分鐘養生水。有冇見過人咁賤？真係見過！