蘇亞雷斯返利物浦……打機。巴塞隆拿周中冇歐聯踢，阿蘇趁機返美爾活特訓練場探吓舊隊友，又發表愛的宣言：「我喺呢度有過美好時光，我當然會記住，利物浦喺我生命中好重要。」難免令利迷FF吓回巢嘅可能；不過，見阿蘇喺instagram上載同菲臘比古天奴打《FIFA 16》嘅相（圖），大家都係各為其主用番巴塞同利物浦，阿蘇仲話要「教訓」吓佢位好朋友，粉絲們不如實際啲幫賓迪基打打氣啦！