【本報訊】「好彩我仲喺度」，2006年曾服安眠藥自殺獲救的卓韻芝（圖），現在輕鬆回望當日以為無法面對的絕境，她很慶幸世界還有無盡選擇等着她。她勸勉想輕生的人，要相信時間的威力，煩惱及壓力真的會過去。
「好彩，我仲喺度」
身兼DJ、導演及作家多重身份卓韻芝2006年抵受不住母親患癌逝世打擊，在寓所寫下遺書服安眠藥自殺，幸好獲救。對於近日接連發生學生自殺慘劇，她接受訪問時表示，「我好開心生命仍然喺我手」。選擇輕生的人會以為現在一刻面對的煩惱是全世界最大，最重要的一件事，但其實事後回頭一望，「世界原來好大，你有好多好多選擇」。
卓指「所有壓力同煩惱都會過去，唔係我𠱁你，呢個係事實，當日我都覺得我無法面對」。現在和家人快樂地相處、吃到一頓美食、或只是散了一次步、呼吸了新鮮空氣，都會很慶幸。「好彩，我仲喺度，如果唔係所有快樂嘅機會都冇咗」。
卓韻芝又說「有時要相信時間嘅威力，慢慢等下，會突然發覺原來真係唔係咁重要」。她又提到電影《玩轉腦朋友》，當中一個訊息就是將不開心的事與人分享，會舒服一點。
■記者麥志榮