羽毛都可以畫畫？八方冇呃大家！觀塘apm商場喺3月19日至4月17日舉行《apm飛舞綻放羽毛藝術展》（圖），展出全球四大北美洲藝術家群，包括美國華盛頓嘅Chris Maynard、加拿大嘅Brandy Woods、美國科羅拉多州Sandra SanTara及墨西哥Balam團隊，匠心獨運極具歷史元素嘅羽毛藝術。
佢哋以毛代紙，喺纖細羽毛繪出各種雀鳥、動物嘅形態；展出嘅14幅羽毛畫，百分百全人手畫製，仲要係空運到港。所用嘅羽毛，包括朱鷺、紅尾黑鳳頭鸚鵡、美冠鸚鵡、金剛鸚鵡、長尾小鸚鵡、大眼斑雉、火雞、鴿子等禽鳥羽毛設計而成。