林雅詩前晚與筱靖、鄧洢玲（阿旦）等人，出席於奧海城舉行的電影 《傲慢與屍變》首映，跟林雅詩到場的助手被誤會是新歡，她稱無意發展新戀情，問她可有被囝囝追問離婚的事？她坦言：「有，會叫媽咪唔好再結婚，可能個仔都擔心有第二個男人搶走媽咪，成日扭計呢度痛嗰度痛，我都保證咗唔會。」她又指囝囝暫時冇與爸爸見面，現在與婆婆同住。
前亞姐筱靖離開亞視差不多一年，當日引用《僱傭條例》10A條離開的她表示已放棄追薪，她說：「都放棄啦，唔追啦，要做好多手續，加加埋埋都係五位數，又要上庭，好嘥時間，不過好多人都要等啲錢過活，希望可以處理好件事。」阿旦前晚與前男友黎國輝（阿感）同時被邀出席首映，但沒有碰面，阿旦指：「嚟到先知同場，以前都試過一齊去首映。」她又透露同圈外人拍拖一段時間，笑言影到先認。
採訪：馬建華
攝影：沈健程