去主題公園除咗吃喝玩樂，其實仲可以學到好多保育知識。海洋公園同香港海洋公園保育基金喺3月19至20號會舉辦「海洋公園保育日」，入場人士可以喺專家帶領下，喺公園「自然大揭秘」觀賞唔同品種嘅野鳥同樹木，包括野生數量少於300隻、中國特有嘅極度瀕危鳥種「靛冠噪鶥」（圖）。除咗睇雀，亦可參加工作坊，認識被稱為「活化石」嘅馬蹄蟹，仲可以親身睇真多件超過4億年歷史嘅馬蹄蟹化石。想參加導賞團嘅，可以喺保育日到海洋公園怡慶坊報名，每日4節，額滿即止。而19號當日嘅門票收益將全數捐畀保育基金。