巴塞隆拿喺西甲榜首遙遙領先，歐聯16強喺首回合領先緊阿仙奴2:0出線在望，踏入2016年之後巴塞難得首次唔使喺周中比賽，教練安歷基就畀班球員放假一兩日唞番吓。美斯（左）約埋老友去咗小國安道爾滑雪；蘇亞雷斯就返去利物浦探班；至於布斯基斯就冇周圍去，留低陪佢大肚女友，佢哋個小生命亦喺周二出世。另外，巴塞地方議會日前亦通過咗魯營球場部份看台翻新方案，改建後將會變成更加現代化，座位加到10萬個㖭。