曼城之前宣佈咗下季易帥，將會由哥迪奧拿（圖）接手執教，但哥帥仲未正式加盟，曼城已經諗緊再下任領隊嘅人選。哥迪奧拿同曼城簽訂咗三年合約，球會嘅體育總監碧格列斯坦預計哥迪奧拿到2019年約滿就會走人，已經初步討論緊下三年後嘅接任人選；普捷天奴、杜曹同埋賀維等都係被考慮人選。講到哥迪奧拿嚟曼城好似只係做過渡主帥咁，曼城方面希望佢喺任期可以幫助一班年輕球員成長，所以今夏收購方針都係買一啲有潛質嘅後生仔，包括史浩克嘅利萊辛尼同埋阿積士嘅巴素亞等。