男球迷有眼福嘞！中超球隊重慶力帆搞搞新意思，喺主場推出「美女看台」，所有35歲以下嘅女球迷都可以報名，以半價買套票，但呢班女球迷唔單止要坐埋一個區，仲需要參加球會嘅培訓，着嘅衫都要統一。我求大俠覺得呢招同啲酒吧嘅「lady's night」冇乜分別，間接吸引男球迷去捧場，除咗睇波之外仲可以睇吓靚女。唔知港超啲球隊會唔會參考吓呢？唔係喎，假如規定35歲以下先有得平，分分鐘變公關災難都似。