驚訝、痛心，是不被記錄到的。即是說，這是魔幻偽語，只有偽術特首才入到耳，真係聽到！
警隊大肆張揚，大掃貨買頭盔、水炮車，未來對付「暴徒」「暴亂」，會果斷出動橡膠子彈。膠．磚×魚蛋@旺角，會激起什麼火花？九月四日，立會投票前，篤定魚蛋，一定有戲。真係睇到！
用自己方式往返內地，神乎其技，連消帶打，玩謝邊防。這種獨門武功，唔好再張冠李戴呀蘇局長，唔關金庸或者張無忌事，二次創作唔係咁，得罪晒金迷，唔該收皮。真係收到！
年輕人失業，狼特標籤是廢青，年輕人自殺，狼特調理完蘭花農務後會不會說，這是自廢武功？土地問題，無料解決，死人墳地，你估年輕人負擔得起嗎？幫年輕人天堂留位，成為梁特夥拍林鄭，過去與未來三年從石頭爆出來的政綱政績，成功爭取，死得！狼夾鵝，真係殺到！