巴塞隆拿前鋒尼馬上場聯賽停賽，返咗巴西放吓假，佢日前幫細妹Rafaella舉行20歲生日會。可能個妹鍾意米奇老鼠啦，成個party都係用米老鼠做主題，唔少賓客都戴住老鼠頭飾；但作為球壇潮人，尼馬就戴黑色帽配件金色褸，黑褲襯白波鞋，真係閃爆全場。雖然冇記者入到場，但從網上流傳嘅相同片見到，尼馬玩得好興奮，仲除咗件褸載歌載舞。