有投資界朋友看完周一題為「不敢追貨的升市」的《樂香園》，即時打電話報料。他說：「你個朋友講得無錯呀，大家原本個倉都唔係多貨，所以就算個市升咗咁多，大家都冇乜點賺，都仲未計之前幾隻暴跌股，搞到有啲fund，就咁樣無咗幾個巴仙，都唔好話唔傷。」
年結剛過，季結未至，只是輸了數個巴仙，應不會影響到工作吧？朋友先倒抽一口涼氣，然後說：「工就應該仲有得打，但由於贖回情況太嚴重，再加埋舊年表現實在好唔掂，聽講話有某大陸基金，居然要基金經理簽過份新約，唔收管理費用，即係無底薪，要有錢賺先有得分。」
公司要有錢賺才付款，經理降格做經紀？朋友說：「應該咁講，仲衰過做經紀，做經紀只係需要應付開市時段嘅工作，放咗工就真係堅放工，做基金邊有放工時間？香港未收市就睇歐股，收咗市就睇美股，但唔好唔記得，大陸股市係同港股一齊開市，咁多嘢做又要跑數，係咪仲衰過做經紀？」
那麼最後有沒有簽？朋友嘆口氣說：「你話咁樣時勢，可唔可以唔簽？」明白。
密西比