寨卡病毒肆虐巴西，搞到好多女選手對於會唔會參加今年八月喺里約熱內盧舉行嘅奧運都有所保留，不過有「女費斯」之稱嘅美國飛魚法蘭克琳一於冇有怕，仲話會專心練水，全力備戰呢個四年一度嘅盛事㖭。法蘭克琳話：「我哋都知道有關嘅疾病同疫情，但呢啲事都唔係我哋可以控制嘅，而且我信得過美國奧委會同埋美國泳總，相信佢哋會畀到選手最好嘅保護。𠵱家我最關心係自己備戰嘅進度。」至於法蘭克琳嘅隊友歌芙蓮亦話：「我之前都去過瘧疾好流行嘅地方比賽，但其實最重要係做好防蚊措施同保持衞生箒！」