細個一定玩過猜包剪揼，除非你冇童年，一句「小明小明小小明，上上下下，左左右右，前前後後火車捐山窿」，家喻戶曉，點知，人長大了，小明都轉工了。嘉年華國際（996）噚日委任首席戰略官（CEO）與首席財務官（CFO），佢叫做李小明！
李小明之前其實係中銀國際亞洲高層，位至董事總經理與香港業務主管，喺投資銀行同資產管理方面有19年經驗，𠵱家過檔做旅遊項目嘅嘉年華，唔知會唔會唔習慣呢？嘉年華舊年中收購咗內地連鎖高級餐廳金錢豹，酒店、購物、餐飲樣樣都做，相信小明可以上下左右，多方面發展，唔再只係沉迷財金事業。
講開又講，李小明跟港交所（388）行政總裁李小加嘅名字，只係一字之差；兩位同樣由投行轉做上市公司舵手，將來唔知係咪一樣咁事業得意呢？