周三晚(9日)快活谷雷神騎足8場，大家當然不會意外。除了雷神之外，尚有一位騎師座騎滿額，大家估到邊個嗎？原來就係梁家俊，其8匹座騎中，竟有半數「善喜」、「名馬」、「醒蹄飛」、「勇創潮流」上仗入三甲，近況有保證，而且他的座騎普遍排檔不俗，絕對係騎師王彩池一路奇兵。
梁家俊今期最受人注目，當然是策甄子丹愛駒「宇宙車神」初出，馬兒埋門試閘取勝，看來進度不俗。另外，家俊仔今朝同師傅蘇保羅傾個不停，兩人周三獨合作一匹「醒蹄飛」，此駒列陣第七場二班1200米，馬兒近兩仗均跑同程取一冠一亞，正值大熟當起，今仗抽3檔好位，有力為家俊仔在騎師王增添分數。