用一句總結首輪中超：外援入波，中國球員拎紅牌。喺七場波合共16個入球，竟然15個都係外援入，得一個係由中國足協定義嘅本土球員入，但嗰位仁兄踢到曉飛都同國足無關，因為佢係來自台灣嘅陳柏良；中國球員唯一有項數據勁過外援，佢哋包攬首輪五面紅牌。好彩國足球迷周日睇到明日之星張玉寧喺維迪斯後備入替，補時頂入中國球員喺荷甲首球絕殺洛達2:1。球迷紛紛留言叫張玉寧唔好受金錢引誘返中超，一定要喺歐洲立足先有進步。