【單身自白】
社會對女人從來不手軟，尤其是外貌、年齡。與其爭拗，不如拿枷鎖開玩笑，44歲的陳淑莊（Tanya，圖）就把「我咁嘅年紀」當口頭禪。邀約Tanya講女人，她劈頭第一句「我冇結婚冇生仔，冇乜好講喎」，其實她可談的多的是，如區議會落敗後剪短髮，雨傘運動時更剃光頭。她說當時助理有點擔心，「長髮畀人覺得穩陣啲、女性啲」，但剪短髮後有路人說「好襯喎」。
「唔係搵人照顧你」
她也可談旅行，「第一次一個人去旅行，啱啱分手」，跑去新加坡，「悶到嘔」，但慢慢玩出個癮來，「鍾意去邊就去邊」。隻身旅行現成習慣，「咁嘅年紀，唔係期待艷遇嗰隻喇」，她去秘魯遇到原住民示威「支持埋一份」。
Tanya學習一個人生活，最近患病「同朋友講定如果我兩日都唔退燒，送我入醫院」。她說學會獨處才可找到真正伴侶，「唔係搵人照顧你，而係政治理念相同、性格啱嘅」。
多次談及年紀，言若有憾但其實沒半絲欷歔，像是「我話咗自己先，睇你仲點話我」。
■記者翁煜雄