陳慧嫻演唱會繼大前晚請來鍾鎮濤做嘉賓，樂壇校長譚詠麟前晚終於現身，蔡一智則與老婆睇騷。校長在演唱會中段出現，當音樂響起《愛情陷阱》時，他同時由升降台出場，慧嫻即時吳若希上身驚問：「點解嘅、點解嘅？」之後二人合唱《愛情陷阱》。
校長上台不忘搞笑，笑說聽到慧嫻分享曾愛上攣男的經驗：「聽講你成日遇到愛情陷阱，唔好再遇到，唔係就由儍女變做儍婆啦！」
演唱會近尾聲，慧嫻再分享心事說：「當年去美國讀書，讀完書返嚟，歌手朋友同我講，我咁做係放低晒所有歌迷、事業同成就，其實我去美國原因係答應咗爸爸讀個學位返嚟，𠵱家我51歲，仲可以有好多新想法去做。」
採訪：曹家誠
攝影：陳慧安