綽號「洗米華」嘅太陽世紀（1383）主席周焯華，噚日罕有現身，帶傳媒睇佢個商場。佢兩年前拍住「磁帶大王」陳秉志，喺上環信德中心3樓，斥資6億銀收購「鑽石廣場」，再翻新成「澳門廣場」，60間舖租出8成。入面有間「華星冰室」，洗米華行到華星時，忽然停低話要喺門口影相。原來呢間舖嘅老闆娘係「洗米嫂」陳慧玲，洗米華笑晒咁介紹話「間嘢我有份」，又講明事頭婆係太太，冇乜畀意見佢點搞。之前市場傳聞洗米華同名模Mandy Lieu打得火熱，洗米嫂決定離婚，𠵱家佢主動提太太，唔通想賣口乖？