對靈異事物甚有研究嘅雲海，喺網上分享一封喺fb收到嘅訊息，話一個名為「香港學生媒體」嘅組織，上款寫住「陳先生」，邀請佢出席一個題為「勇武定溝通？」節目，仲話已請埋新思維黃成智同熱血公民成員鄭松泰出席。對方原來將全名陳雲海嘅佢同本土派「國師」陳雲搞亂咗！雲海話今次唔知應該笑吖，定對讀緊新聞嘅同學感到悲哀。
發出邀請嘅香港學生媒體之後就出道歉聲明，指籌備節目時內部溝通出現落差，先錯誤聯絡咗雲海出席。未獲邀嘅國師都喺fb留言：「香港本土之喜感」。鄭松泰就話起初以為有幸同雲海一齊，但𠵱家對住黃成智好sad喎！