禮拜三(9日)谷草賽事用A欄，睇番最近2月3日同一移欄賽事，放頭馬無一能勝，反而後追馬唔算蝕底，尤其中距離賽事，好似「公証揚聖」、「珍珠旺」及「為食仔」，都係早段守於貼欄位置留力，入直路飛出中外叠後上衝贏對手，所以靠追嘅馬不妨秤高多少。
今戰列陣馬中，尾場「為食仔」正是於2月10日谷草A欄後上贏馬，今次跑番強項，據知原配巫斯義，但巫斯義突然停賽，換上手風大順之潘頓執韁，威力有增無減，值得優先留意。
另外，第三場「紀利福星」跑谷草A欄一次即勝，亦係全場唯一贏過此移欄之參戰馬，憑較佳場地性能，可再取頭馬。