香港桌球天后吳安儀上周六同周日佢喺英國伊甸經典賽，先喺小組三戰全勝首名出線，喺八強就遇到隊友溫家琪，安儀以3:2勝出；之後四強再遇另一隊友葉蘊妍，順利贏4:1殺入決賽。雖然安儀最終以1:5不敵世界一姐兼衞冕嘅伊雲絲，繼舊年後再次屈居亞軍，但都贏到400鎊（約4,400港元）獎金，安儀同伊雲絲喺今個月底嘅世界女子桌球錦標賽將會有機會再碰頭。