新一季美職聯周日開鑼，10場聯賽合共出現36個入球，創咗美職開「咧」首輪最多入球紀錄！淨係尾場洛杉磯銀河（白衫）主場4:1反勝華盛頓聯隊場波就有五球睇；銀河呢場波個陣好強，前鋒係羅比堅尼、杜斯山度士，中場有謝拉特、尼祖迪莊，後衞就有艾殊利高爾，就算正選門將丹堅尼地20分鐘就退下火線，仍然輕鬆反勝。另一場由新帥韋拉帶領嘅紐約城，作客4:3挫芝加哥火燄。叫得做「美職聯曼城」，紐約城今場雖然有林柏特因傷缺陣，但派路同韋拿等星級球員都正選披甲，結果10分鐘就由湯馬士麥拿馬拉先開紀錄，最後順利贏波！