輸波冇失信心，正好形容啱啱喺世乒團體錦標賽八強止步嘅港隊。噚日返港後，女隊教練李靜話比賽中睇到19歲嘅杜凱琹同23歲嘅李皓晴係新希望，佢話：「比賽唔係贏就輸，最緊要睇到佢哋有鬥志同激情，未來三站奧運計分賽要好好表現。」男隊方面，單打世界排名11嘅黃鎮廷話經過今次賽事可以加強自信，四月中有信心幫香港爭取里奧亞洲區資格賽名額。