倫敦世界場地單車錦標賽後，香港如無意外可以攞到三張場地單車嘅里奧入場券，包括李慧詩嘅爭先賽同凱林賽、梁峻榮同刁小娟嘅男、女子全能賽。總教練沈金康噚日透露港將冇得休息，要分批去昆明同廣州集訓。對於慧詩世錦賽爭先賽得第七同凱林賽得第九，沈教練話：「慧詩嘅基礎能力處於里奧車手嘅中上水平，但前列車手好似鍾天使、禾高嘅速度同耐力就比慧詩高一級。」