拜仁慕尼黑喺上周六嘅德甲榜首大戰到訪次席嘅「蜜蜂兵團」多蒙特，結果打和0:0，令拜仁目前喺榜首仍然有五分優勢。不過，呢場波嘅焦點，係拜仁教頭哥迪奧拿同呢場串演中堅嘅甘美治溝通方法。喺賽後哥帥極為肉緊咁同甘美治講嘢，仲手口並用，又箍頸又攬到佢實一實；原來，哥帥係讚甘美治表現好喎！唔知哥帥喺下季帶領曼城嗰陣，一班藍月亮球星受唔受佢呢套溝通方式呢？