上周六喺拉斯維加斯嘅UFC 196，愛爾蘭嘅麥基格爆冷輸咗畀美國嘅迪亞斯！呢位27歲「寸嘴格鬥王」雖然喺第一局打爆咗迪亞斯右眼角，但喺第二局就俾後者鎖頸㩒住嚟打，最後焗住認輸；麥基格賽後都承認今次越級挑戰次中量級失敗。同日另一場激戰，之前打破「格鬥女王」露絲不敗身嘅賀姆就爆冷不敵泰迪，冇咗條女子雛量級金腰帶；睇嚟露絲嘅復出戰可能變成對泰迪喎。