近年財經界人士興起跑馬拉松，好少話去打golf，一班40歲左右嘅股評人直情經常互相鼓勵跑步。佢哋噚日就組隊參加「扶輪香港超級馬拉松」慈善接力賽。呢項馬拉松喺中環龍和道舉行，全程50公里，有超過110隊參加，每隊8人，限時6個半小時完成。
AMTD資產管理業務總經理連敬涵、惠理ETF業務拓展高級副總裁葉浩文及瑞信香港輪證銷售主管何啟聰等，約埋另外5名跑友參賽。佢哋圍住龍和道跑25個圈，每人跑8至10公里，最終以4小時45分完成賽事，相對冠軍嘅康宏組唔使4小時跑完，算中規中矩。
葉浩文話，佢哋一班相對年輕嘅股評人有一個WhatsApp群組，提住大家收工或放假去跑步，仲越來越多人參與㖭。
而講到最多人參加嘅金融機構，可能係康宏（1019），佢哋有10隊參賽，其中一隊，有身兼賽跑教練Kevin坐鎮，贏冠軍。