中國男、女隊周日喺馬來西亞舉行嘅世界乒乓球團體錦標賽決賽，同樣以3:0擊敗日本男、女隊，第20次喺呢項賽事稱王封后！雖然派三蛋，但係中國女隊贏得都唔輕鬆㗎，因為李曉霞喺第二局爭啲失手，接連失誤而先失兩局，好彩之後頂住壓力以3:2反勝石川佳純，同劉詩雯、丁寧合力達成三連冠。中國男隊就派出馬龍、許昕同張繼科出戰決賽，最終喺今屆賽事一場不失嘅情況下拎到八連霸。