凡事太過極端，勢必遭到反噬，社會亦然，股市亦然。於油價急瀉、中國經濟前景欠佳，及美國有可能再加息等多個壞消息「圍攻」下，早前港股「不停係咁跌」，有人曾悲觀地估計，恒指或要見16000點才「見底」。市場人心惶惶，日日恨不得將手上所有股票沽清，來個「無眼屎當乾淨盲」。
壞消息籠罩環伺，恒指於2月曾低見18319點，創2012年中以來新低，不過，於多番「衝擊」但不果的形勢下，恒指2月中開始「掉頭向上」，升勢於踏入3月後更為凌厲。3月首個星期，恒指升812點或逾4%，更想不到是連續第3周上升，令不少預言「大市必死」人士大跌眼鏡。
大升市回升，早着先鞭的機構投資者有望「追回失地」？有基金界朋友稱不要太過想之當然。他說：「之前啲人係咁贖回，搞到基金縮晒水，另一方面又唔敢買咁多嘢，要keep住現金喺一個高嘅水平，試問又點會追貨……不追貨不是最慘，最慘是睇淡沽空，再輸多鋪勁。」
怎麼辦？朋友說：「我也想知。」哎呀，上周忘了去借庫……
密西比