周日喺澳洲舉行嘅台維斯盃世界組首圈，美國憑世界排名11位嘅伊斯拿，喺第四場以盤數3:1擊敗東道主球手湯米，以總場數3:1晉級八強。喺賽事期間，咁啱有支咪收到音，聽到湯米爆晒粗咁鬧另一澳洲球手基傑奧斯詐病退賽：「基傑奧斯𠵱家肯定匿埋喺屋企，鬼先信佢有病！」而湯米亦繼續向隊長曉域治發牢騷，話基傑奧斯有前科，仲指出上年台盃首圈嗰陣，後者都係詐病避戰。