【本報訊】退保諮詢進行了兩個半月，政務司司長林鄭月娥昨首度與港大榮休教授周永新同場交鋒。林鄭重申全民退保在財政上難以持續，強調要以有限資源支援有經濟需要長者。周永新則表示失望，因社會上提出不同建議令全民退保財政上可持續，但政府都不作回應，「希望司長真係諗吓，唔好企喺度乜嘢都唔做」。
記者：王家文
曾在電台公開批評周永新不掌握公共財政、研究不認真的林鄭月娥，昨在港台舉辦的論壇開始時先旨聲明非要「針鋒相對」。她說對全民退保「一啲都冇反感」，但在有限資源下，政府每年額外開支達226億元，相等於長者醫療服務九成支出，加重財政壓力，必須量力而為。
周永新批評林鄭鋪陳不恰當，重申全民退保是社會共同承擔，讓退休長者有穩定收入，有尊嚴過活。他指諮詢文件沒融資部份，並指曾修訂方案，建議把現時生果金加碼成全民老年金，與預期壽命掛鈎，且設資產水平上限，財政可承擔，「唔係有困難就企喺度，要想方法去解決」。林鄭反駁稱憑良心，現屆政府把福利開支增至662億元，增幅約50%，「我做咗30幾年政府嘅公務生涯，係冇見過咁大量投入資源去做好福利工作。所以如果話政府只係見到問題企喺度，呢個就唔係一個好公道說話」。
市民批評政府隱瞞數據
嶺大公共政策研究中心主任何濼生形容全民退保為「世紀大賭博」，若「120歲仲生勾勾點算呢？」他指外國需延長退休年齡或削減退保金額，應付財政承擔，但對後生一代供款不公平。林鄭月娥即附和說：「外國嘅經驗係引致暴動，每次要減福利，所以唔好以為好容易做到」。
中大社會工作系助理教授碧樺依反駁，「希臘係好典型好特別嘅例子，喺香港係唔適用」。她指180名學者聯署方案建議把一半強積金供款改注入全民養老金，政府只需一次過增加多500億元，「呢一條數仲少過起高鐵，你連呢一筆錢都唔肯擺落去，你點樣說服我政府有承擔做好退保」。出席論壇的143名市民對退保方案各有取態。有市民批評諮詢文件隱瞞數據，林鄭稱沒期望市民完全接受政府意見，「請大家相信政府係誠實，我哋唔會隱瞞」，隨即引來台下哄笑。
退保論壇嘉賓言論
中大社會工作系助理教授碧樺依：你連呢筆錢（注資多500億元）都唔肯擺落去，你點說服我政府有承擔做好退保？……唔好成日攞希臘做例子，希臘係好特別嘅例子，香港唔適用。
政務司司長林鄭月娥：做咗30幾年公務生涯，冇見過咁大量咁投入資源去做好福利工作……請大家相信政府係誠實，唔會隱瞞。
港大榮休教授周永新：對於上一代，（我哋）願唔願意盡公民責任，畀佢哋有個穩定收入，有尊嚴咁生活？
資料來源：港台節目《眾言堂》