姑勿論全球經濟是否放緩，但樓呢樣嘢都是港人最喜歡投資的東西，不過樓價堅離地，好多港人得個諗字，由於價錢已回落到這個水平，又重燃置業的想頭。究竟𠵱家入得市未？仍然許多人想知道，若果你手上有100萬元首期，或是有一份月入穩定的收入，但總有明知跌的話都冇理由入市等等藉口。
老樓經歷了樓市四個升浪兼三個跌浪，永遠難掌握到何時才是高低，主要還看三樣嘢：首期、供款佔入息比例和買樓目的。前二者為實際個人財務安排，後者更是買來的用意。投資者就肯定不是入市時機，因為借貸成本和風險高，租金回報低，兩高一低根本不是入市好時機；但用家而言，若你有自住的目的，任何時間都可以入市，只要你有前一段所講的條件，之不過若有怕跌的心理我就勸你們不好買樓，因為這批人輸不起。
1982年中英前途談判純粹是回歸心理障礙，與經濟談不上有關係，結果部份港人移民了，俾人平價執平貨製造了第一次大升浪；1997年負資產的出現，百業蕭條，亦有人輸身家同埋條命，但被其他沒有受傷的新財富後來居上，為他們製造大金蛋；2008年金融海嘯更加明顯，藉一次大浪令到財富轉移，小中產冒出頭來。
所以每次經濟危機便是另一次創富機會，驚的人始終不是幸運兒，又會把這次機會給了別人。
劉兆昌
資深地產傳媒人
http://www.HKLau.com