國際汽車聯會（FIA）為咗保障車手安全，推出咗一款叫「Halo」嘅半封閉式駕駛艙，喺駕駛艙前面加裝風擋結構，並希望可以喺2017賽季採用。法拉利車手拉高倫（圖）周四喺巴塞隆拿試車嗰陣，首次用裝上Halo嘅戰車試咗兩個圈，佢親自試用後話新設計對視線影響唔大。不過，平治車手咸姆頓就覺得𠵱家嘅戰車夠晒安全，仲話Halo嘅設計核突到不得了。