周四晚喺英國倫敦Battersea Evolution舉行嘅倫敦足球頒獎典禮，爆冷由去夏從法甲馬賽過檔韋斯咸嘅皮耶（圖）奪得倫敦英超最佳球員，韋斯咸更加喺官方Twitter度，大讚呢位28歲法國中場勁過今季英超助攻王奧斯爾。奧斯爾雖然冇獎，但佢嘅阿仙奴隊友施治就贏得最佳龍門。惟阿仙奴嘅獎項就少過死敵熱刺，皆因熱刺主帥普捷天奴同19歲中場迪利阿里分別攞咗最佳領隊同埋最佳年輕球員。至於終身成就獎就落入季尾離開車路士嘅泰利手中。